Bi aldeetarik bakoitza

Dena delakoa den bezala izanda ere,
arrazoi dute baietz esaten dutenek,
eta baita ezetz esaten dutenek ere.

Badakizu ilargiak ere bi alde dituela:
ezkutukoa da bat, agerikoa bestea,
eta ilargia ez da bi aldeetarik bakoitza,

baina ezta bien arteko batuketa soila ere.
Eta bizitzak eta heriotzak, elkarri lotuta,
vals hori bera dantzatzen dutela dirudi.